CADERNO DE EXPERIMENTOS COA MATERIA

Neste caderno recóllense uns experimentos sobre a materia feitos na aula. Facendo clic na imaxe podemos ver o caderno.

 LETRAS GALEGAS 2022

Coas seguintes actividades poderedes aprender sobre a vida e a obra do escritor homenaxeado este ano polas Letras Galegas, FLORENCIO DELGADO.

1. Actividade interactiva sobre o Día das Letras Galegas e a biografía de Florencio Delgado.

2. Rosco con actividades sobre a biografía e a obra de Florencio Delgado.

3. Canción "A Pandeirada" cun poema de Florencio Delgado, interpretada por Carlos García Casás.

DÍA DAS ARTES GALEGAS: PINTAMOS INSPIRADOS POR LAXEIRO

O día 1 de abril a Academia de Belas Artes conmemora o Día das Artes Galegas en recordo do momento no que o Mestre Mateo rematou o Pórtico da Gloria, na catedral de Santiago de Compostela.

Este ano o artista homenaxeado foi José Otero Abeledo, coñecido como Laxeiro. Estes son os cadros que pintamos inspirándonos en diferentes obras deste pintor galego.

 FICHAS DE ANIMAIS

Na web A vida nos ríos galegos buscamos información sobre algúns animais do noso entorno e elaboramos en equipos unhas fichas que se poden ver facendo clic na imaxe a continuación.

 MURAL DA PRIMAVERA DE 3º e 4º

Entre os grupos de 3º e 4º fixemos o mural da primavera que podedes ver na entrada do colexio. O noso mural ten imaxes de rutas do Camiño de Santiago, moitas flores e un poema sobre a primavera de Antonio García Teijeiro.

 PARTICIPAMOS EN ARTELIXO

Participamos no certame de creación  de obras de arte con materiais reciclados, ARTELIXO, que se celebra no noso concello.

Poderemos ver as obras presentadas nas rúas e escaparates desde o día 2 de abril, data na que se fará a inauguración en Quintela.

Este ano o tema é "Os nosos montes". Aquí temos unhas fotos das abellas que fixemos en terceiro.

 DÍA DAS ARTES GALEGAS

O día 1 de abril celébrase o Día das Artes Galegas. Neste ano 2022 está adicado ao pintor Laxeiro. Aquí tedes unha interesante actividade interactiva para coñecer algúns datos da súa vida e a súa obra.