CREAMOS CONTOS. A VIAXE DE AMELIA

 por Valeria García Castro

 EXPOSICIÓN DIVULGATIVA. O MONTE OLIMPO

Na súa segunda exposición Marinha falounos do monte Olimpo. Aprendemos que é a montaña máis alta de Grecia e, segundo a mitoloxía grega, o fogar dos deuses olímpicos: Zeus, Diana, Afrodita, Deméter, Poseidón...

O monte Olimpo foi o primeiro parque natural de Grecia con unha rica biodiversidade e impresionantes vistas.

Para rematar a exposición Marinha preparou un divertido xogo no que había que adiviñar o nome do deus facendo preguntas.

Foi unha exposición amena e interesante que nos permitiu aprender sobre este monte e sobre mitoloxía grega.

  EXPOSICIÓN DIVULGATIVA. O FÚTBOL

Este venres, día 23, Seidu presentou a súa exposición sobre o fútbol.

Falounos deste deporte tan popular; do seu equipo preferido, o Real Madrid; do seu xogador favorito, Mbappé e díxonos que tamén lle gustaría xogar no Club  Deportivo Choco e no Real Club Celta.

A presentación rematou cun xogo no que tiñamos que relacionar os xogadores cos seus respectivos nomes.

Foi un traballo que gustou moito aos seus compañeiros/as.

 CANTIGAS TRADICIONAIS GALEGAS

Vídeo con audio e ilustracións do alumnado de 4º elaborado a partir dun material do Seminario Galán para as Letras Galegas 2025 que recolle fragmentos de cantigas tradicionais galegas.

 LETRAS GALEGAS 2025

Día das Letras 2025 está protagonizado polas cantareiras e as cantigas tradicionais galegas.Estas cantareiras preservaron a lingua galega por medio das súas cantigas, e crearon unha poesía popular transmitida de nais a fillas, de avoas a netas, e entre a veciñanza toda.

Para as representaren foron escollidas Adolfina e Rosa Casás (Cerceda), Eva Castiñeiras (Muxía), e Prudencia, Asunción Garrido e Manuela Lema, tres das integrantes das Pandeireteiras de Mens (Malpica de Bergantiños).

(Seminario Galán)

Vídeo das Letras Galegas 2025 · As cantareiras e a poesía popular oral - 5º Colexio San Pío X

Actividades

Que sabes das cantareiras?

Os instrumentos musicais tradicionais galegos

Cantigas

Muiñeira de Cerceda (Adolfina e Rosa Casás)

Cantiga A danza, interpretada por Eva Castiñeira.

 PARTICIPAMOS EN ARTELIXO 2025

En colaboración cos compañeiros e compañeiras de 3º elaboramos unha obra que titulamos O mural dos recordos. Intenta facernos reflexionar sobre lugares de Galicia que son fermosos e que queremos protexer e preservar da contaminación.

 EXPOSICIÓN DIVULGATIVA. O SONAMBULISMO

Vera falounos na súa exposición sobre o sonambulismo. Trastorno que consiste en realizar actividades como falar, xogar, cociñar, limpar... mentres a persoa permanece durmida. Explicounos que é convinte non despertar á persoa sonámbula, pero si acompañala para evitar que se faga dano. 

Durante a exposición xurdiu unha interesante pregunta: os animais poden ser sonámbulos?

Información interesante  que Vera explicou con linguaxe clara e demostrando coñecer o tema que trataba.