RECOMENDACIÓNS DE LECTURAS PARA O VERÁN

Xa temos aquí algunhas propostas de lecturas para o verán elaboradas polo equipo de biblioteca do noso colexio. Son suxerencias para distintos niveis lectores.

Desexamos que disfrutedes das vacacións tamén en compañía dalgún libro.

 ECLIPSE SOLAR 12 AGOSTO DE 2026

Premendo na seguinte imaxe podedes acceder a información sobre a eclipse que poderemos observar desde Galicia o próximo 12 de agosto.

Moi atentos aos consellos para unha observación segura.

 PAPIROFLEXIA

Como actividade final de plástica neste trimestre fixemos uns cadros con figuras de papiroflexia. Hai peixes, focas, cangrexos, baleas e ata barcos cos que cada quen fixo a súa propia composición. Quedaron moi coloridos e bonitos!!!

 XOGOS MATEMÁTICOS

Aquí temos algúns xogos de mesa nos que se poñen en xogo estratexias matemáticas. Son entretidos, entrenan a nosa mente e ademais precisan duns materiais moi fáciles de atopar. 

Formar paquetes (2 xogadores/as)

Material: folla de papel con puntiños aliñados, dous dados, dous bolígrafos ou rotuladores de cor diferente.

Como se xoga:

Por turnos tirades o dado e ide facendo paquetes co número de puntiños que indica o dado.

Se sae un número e xa non se pode facer un paquete con ese número de puntiños pasas o turno.

Cando a folla está completa gaña o que teña máis puntiños.

Formar triángulos (2 xogadores/as)

Material: folla de papel con puntiños aliñados, dous dados, dous bolígrafos ou rotuladores de cor diferente.

Como se xoga:

Por turnos tirades o dado e ide facendo liñas que unan os puntos, tantas como número de puntiños indica o dado, de xeito que se formen triángulos.

Para identificar os teus triángulos failles dentro un punto da túa cor ou pon a letra do teu nome.

Cando a folla se completa gaña o que teña máis triángulos.

Tapar o número (4 xogadores/as)

MATERIAL: taboleiro coas diagonais e números, 4 dados e 6 fichas por xogador/a

COMO SE XOGA: 

·        Por turnos cada xogador/a tira os 4 dados xuntos e coas súas fichas tapa os seus números según indican os dados.

·        Se sae un número repatido nos dados pode destapar o número doutro/a xogador/a.

·        Exemplo: saen o 4, 6, 3 e 3. Tapo os meus números 4, 6 e 3 e como o 3 está repetido destapo ese número a outro xogador/a que o teña tapado.

Gañan o xogador/a que logre tapar antes os seis números.

Xogo de números (dous xogadores/as)

MATERIAL:

·       Un recadro con números e casiñas como o da imaxe que ti mesmo/a podes facer.

·       Dous bolígrafos ou lápices de diferente cor.

·       Dous dados.

 COMO SE XOGA:

·       O obxectivo do xogo é completar a flileira de casiñas antes que o contrincante.

 O/A primeiro/a xogador/a tira os dados e ten dúas posibilidades:

-        Sumar os dous números e marcar na súa fileira o número resultado da suma.

-        Marcar dous números que xuntos sumen o mesmo que os dado

Se non pode marcar pasa o turno.

 

 POLIEDROS CUN FÍO

Construímos uns poliedros que se montan tirando dun fío, un prisma hexagonal e unha pirámide hexagonal.

Primeiro vemos o desarrollo plano dos dous poliedros. Nos vídeos que están a continuación vemos como se convirten en figuras tridimensionais ao tirar do fío e na imaxe final os poliedros.

 INVESTIGAMOS. CONSTRUCCIÓNS ROMANAS

Aquí temos os traballos de investigación cos que aprendemos moito sobre construcións romanas: como eran, para que se usaban, onde estaban...

Maqueta de Arco de triunfo feita por Izan C.

 O COLESTEROL

Co esquema que elaborou Izan Campos aprendemos sobre o colesterol:

• É unha graxa necesaria para o funcionamento do noso corpo que fabrica o fígado pero que tamén se atopa en moitos alimentos.

• Hai dous tipos de colesterol: LDL, o colesterol malo, porque pode taponar as nosas arterias. HDL, o colesterol bo, que axuda a limpar o sangue recollendo o colesterol que sobra para ser eliminado.

Un bo traballo no que se expoñen as ideas de forma clara.